Mohabbat

Hum to sochte the ke 
humne har din tumse nafrat ki hai
phir kyu dil kehta hai ke
iss nafrat me bhi humne
tumse mohabbat ki hai.. 

Hum to sochte the ke 
bhool jayenge tumhe dheere dheere
par khud hairaan hai 
apne sabr ka pehlu dekhkar
itni shiddat se jo ibadat ki hai
pal pal tumse mohabbat ki hai.. 

Hum to sochte the ke
Reh lenge tere bina
tujhe bhulane ki kasam jo khayi thi
phir kyu iss dil ne 
teri rehmat ki duaa ki hai
iss nafrat me bhi tumse mohabbat ki hai.. 

Hum to sochte the ke 
bewafa tum ho
par mera dil hi jab mera na raha
jis kadar isne zarre zarre se 
tumse mohabbat ki hai
pal pal tumse mohabbat ki hai.. 

                                           -© Khan Khushboo