Rishta (The Relation)

Badal jayenge itne andaaz mere
Kabhi socha na tha
Majboor teri chahat se haare
Badal gaye hum..
Ab to na aayne ki zaroorat hai
Na fikar zamane ki
Mahobbat ne jo dekha hume
Yu hi sawar gaye hum..

Sapne teri aankhon mai sajte hai

To neendein meri ud jaati hai

Kaise iss safar mai 

Sang ho gaye hum..

Tu waha siskiya bhi le

Aankhen bhar meri aati hai

Iss kaise anjaan rishte se

Jud Gaye hum..

Dhoop tujhe lagti hai to 

Rooh meri Jal uth jati hai

Parwane ki tarah 
tabah ho gaye hum..

Aati hai tujhe hichkiya bhi

To saans meri atak jaati hai

Kaisa ye dor hai 

Jisme bandh gaye hum..

Jab aati hai tujhpe koi baat

To honth mere sil jaate hai

Iss kaise kashmakash mai

Kho gaye hum..

Ab to na paani ki talab hai

Na zaroorat hai kisi aashiyane ki

Tere baaho ki jannat mai 

Tere hee ho gaye hum..

                                  -© Khan Khushboo